રાજ્યમાં ચણા અને રાયડાની ટેકાના ભાવે ખરીદી સોમવારથી શરૂ થશે ખેડૂતો ૧,૮૦૦ કિલો ચણા, ૨,૫૦૦ કિલો રાયડો ખરીદાશે
ગાંધીનગરઃ
રાજ્યના કૃષિ વિભાગ દ્વારા આવતીકાલ સોમવારથી ચણા અને રાયડાની ટેકાના ભાવે ખરીદી શરૂ થશે. ખરીદી માટે નોંધણી પ્રક્રિયા અગાઉથી કરવામાં આવી છે, અને ખેડૂતોએ તે મુજબ ટોકન મેળવી લીધાં છે.
રાજ્ય સરકારે ખેડૂતોને યોગ્ય ભાવ મળી રહે તે માટે આ નિર્ણય લીધો છે. ચણાના ટેકાના ભાવે રૂપિયા ૫,૨૫૦ પ્રતિ ક્વિન્ટલ અને રાયડાના ટેકાના ભાવે રૂપિયા ૩,૮૭૫ પ્રતિ ક્વિન્ટલ નક્કી કરવામાં આવ્યા છે.
ખરીદી માટે રાજ્યભરમાં લગભગ ૮૦૦ જેટલા કેન્દ્રો ઉભા કરવામાં આવ્યા છે, જેમાંથી ખેડૂતો પોતાની નજીકના કેન્દ્ર પર પાક વેચી શકશે. દરેક ખેડૂત પાસેથી નિશ્ચિત મર્યાદા મુજબ જ ખરીદી કરવામાં આવશે.
ખેડૂતોને કોઈ પણ મુશ્કેલી ન પડે તે માટે ઓનલાઈન નોંધણી અને ટોકન સિસ્ટમ શરૂ કરવામાં આવી છે. ખેડૂતોને સમયસર ચૂકવણી કરવામાં આવશે તેવી પણ સરકાર દ્વારા ખાતરી આપવામાં આવી છે.
